Diweddariad ar feiciau modur / sgwteri sy'n achosi niwsans yn y Blaenoriaethau Lleol

Annwyl{FIRST_NAME} ,

Diolch i chi am gymryd rhan yn yr arolwg blaenoriaeth lleol yn ddiweddar, mae eich adborth parhaus am faterion lleol sy'n peri pryder yn hanfodol er mwyn ein galluogi i dargedu adnoddau'n effeithiol. Er na wnaethoch chi godi beiciau modur / sgwteri niwsans fel pryder yn eich adborth diwethaf, mae'r mater hwn wedi cael ei godi gan aelodau eraill o'ch ardal leol felly roedden ni'n meddwl y byddech chithau hefyd yn hoffi derbyn y diweddariad hwn.

Bore da!

Y mis hwn rydw i wedi canolbwyntio ar ganfyddiad y cyhoedd a'r broblem barhaus gyda beiciau oddi ar y ffordd.

Mae hyn wedi arwain at i mi gyhoeddi 2 Orchymyn Adran 59 ar gerbydau sy'n cael eu gyrru mewn modd gwrthgymdeithasol. Gobeithio y bydd adnabod dau droseddwr arall sy'n gyrru heb yswiriant yn gadarnhaol yn arwain at erlyniad. Arweiniodd Patrolau wedi'u targedu mewn perthynas â throseddau cerbydau at atafaelu fan ar blatiau wedi'u clônio. Atafaelwyd cerbyd cysylltiedig hefyd ar blatiau wedi'u clônio, yn dilyn gwybodaeth a gasglwyd gennyf fi fy hun.

Yn Nhregŵyr, roeddwn i’n ffodus i fod yn y lle iawn ar yr amser iawn, yn ystod ymosodiad gan gi. Llwyddais i ymyrryd, gan arwain at achub y cŵn a chipio’r ci oedd yn ymosod.

Cynhaliwyd ymweliadau ag ysgolion cynradd yn Ysgol Login Fach ac Ysgol Gynradd Waunarlwydd ar gyfer eu ffeiriau diwedd tymor. Roedd yn wych gweld y plant yn mwynhau cerbyd yr heddlu ac yn ymgysylltu â ni. Gofynnodd un plentyn i mi "faint o swyddogion heddlu sydd yn y byd?" Ac atebais "dim digon!"

Mwynhewch wyliau'r haf ac arhoswch yn ddiogel!

Ioan

Gall mynd i'r afael ag ymddygiad gwrthgymdeithasol fod yn fater cymhleth, ac un sy'n gofyn am fewnbwn a chamau gweithredu gan fwy na'r heddlu yn unig.

Ym mis Chwefror 2025 cyhoeddwyd taflen ffeithiau Ymddygiad Gwrthgymdeithasol (ASB) y Weinyddiaeth Gyfiawnder ar y Mesur Troseddu a Phlismona . Amlinellodd hon nifer o fesurau newydd gan gynnwys gwneud pwerau i atafaelu cerbydau o dan adran 59 o Ddeddf Diwygio'r Heddlu 2002 yn haws i'w defnyddio, gan ganiatáu i'r heddlu ymateb yn gadarn ac ar unwaith i ddefnydd gwrthgymdeithasol o gerbydau modur.

Os gwelwch chi gerbyd modur neu gerbyd â gyriant mecanyddol yn cael ei yrru/reidio mewn modd gwrthgymdeithasol mewn man cyhoeddus neu ar ffordd gyhoeddus, neu os oes gennych chi wybodaeth am ddigwyddiad, rhowch wybod amdano gan ddefnyddio ein hadnoddau adrodd ar-lein yn www.southwalespolice.police.uk , siaradwch â gweithredwr yn Ystafell Gyfathrebu'r Heddlu drwy ein sgwrs we ar-lein neu ffoniwch y rhif di-argyfwng 101.

Cadwch eich barn yn gyfredol drwy gymryd ychydig funudau i ddiweddaru ein harolwg blaenoriaeth. Gallwch wneud hynny o'r botwm isod ac rydym yn ei anfon allan yn rheolaidd fel y gallwch ddylanwadu ar beth yw ein blaenoriaethau. Gallwch hefyd newid pa faterion rydym yn rhoi'r wybodaeth ddiweddaraf i chi amdanynt drwy glicio'r botwm gosodiadau isod.
{SURVEY [PRIORITY]}

Efallai yr hoffech chi hefyd roi sgôr i'r neges hon i roi gwybod i ni a oedd y wybodaeth hon yn ddefnyddiol ai peidio, neu ddefnyddio'r system i newid pa faterion rydyn ni'n rhoi'r wybodaeth ddiweddaraf i chi amdanynt. Gallwch chi wneud y pethau hyn yn gyflym ac yn hawdd gan ddefnyddio'r botymau isod.